Ákimdiktiń baspasóz qyzmetiniń habarlaýynsha, oblys ákimi Erik Sultanov eńbek ardagerlerin quttyqtaı kele, olar úzdiksiz eńbekteriniń arqasynda óńirdi damytýǵa úlken úles qosqandaryn atap ótti.
Jerlesterimizge ataq berý sheshimi oblystyq maslıhattyń 5-shi sessııasynyń altynshy shaqyrylymynda qabyldanǵan bolatyn.
Ivan Ivanovıch Qaraǵandy oblysyndaǵy Aınabulaq astyq ujymsharynyń bólim agronomynan bastap, Býlaev aýdanynyń aýyl sharýashylyǵy basqarmasynyń basshysy qyzmetine deıingi eńbek jolynan ótti. Sondaı-aq, 7 jyldan astam ýaqyt ol Soltústik Qazaqstan oblysynyń Eńbek jáne jumyspen qamtý komıtetin basqardy.
Qaıyrly Ediresuly ómiriniń elý jylyn oblysqa qyzmet jasaýǵa, áleýmettik-mádenı salanyń órkendeýi úshin aıanbaı eńbek etýge arnady. 17 jyldan astam Esil aýyl sharýashylyǵy kolledjin basqardy. Sodan soń, 8 jyl bıliktiń jergilikti ókildikti organynyń basshysy boldy. Sondaı-aq, Qaıyrly Ediresov Reseı Federatsııasynyń shekaralas óńirleriniń oblystyq Dýmalarymen belsendi yntymaqtasyp, saılaý organynyń statýsyn kóterý, depýtattyq korpýstyń bedelin arttyrý máselelerin tıimdi sheshti.
Óńirimizdiń belsendi turǵyndarynyń qýanyshty jańalyǵymen bólisýge týys-týǵandary, áriptesteri, eńbek ardagerleri keldi.