Eki oblysqa turmystyq zorlyq-zombylyq qurbandaryna arnalǵan daǵdarys ortalyqtary kerek

ASTANA. QazAqparat – Almaty men Abaı oblystarynda turmystyq zorlyq-zombylyq qurbandaryna arnalǵan daǵdarys ortalyqtaryn ashý kerek. Bul týraly Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Búginde respýblıka kóleminde turmystyq zorlyq-zombylyq qurbandaryna arnaýly áleýmettik qyzmetterdi 41 daǵdarys ortalyǵy kórsetedi. Onyń 14-i – memlekettik, 27-si – memlekettik emes. Olar negizinen elimizdiń 18 óńirinde jumys isteıdi. Jańadan qurylǵan Almaty jáne Abaı oblystarynda ázirshe mundaı ortalyqtar joq. Sondyqtan, bul óńirlerde olardy qurý jumystaryn qolǵa alý qajet. Osy jyldan bastap ortalyqtardy ustaý jergilikti bıýdjet qarajatynan júzege asyrylady. Bólingen qarajat kólemi – shamamen 1,4 mlrd teńge», - dedi ol.

Mınıstrdiń dereginshe, atalǵan ortalyqtarda zardap shekkenderge arnaýly áleýmettik qyzmetti 6 aıǵa deıingi merzimde táýlik boıy nemese táýligine alty saǵatqa kúndizgi ýaqytta kórsetý qarastyrylǵan.

«Esepti kezeńde ortalyqtar 3 myń 975 adamdy qamtydy. Onyń ishinde 3 055 adam medıtsınalyq kómek aldy. 277 adam jumysqa ornalastyryldy. 350 bala mektepke deıingi balalar mekemelerine ornalastyryldy. 528 adam qujat alyp, 764 adam otbasylarymen qaıta qaýyshty», - dedi Tamara Dúısenova.

Buǵan deıin Úkimet otyrysynda Aqparat jáne qoǵamdyq damý mınıstri Darhan Qydyráli málim etkendeı, eldegi o tbasyn qoldaý ortalyqtaryna 90 myńnan astam adam júgingen.

Foto:za49.es