Eki myń jetim balaǵa bıýrokratııalyq sebepter baspana alýǵa kedergi keltirip otyr
16:39, 21 Aqpan 2013
ASTANA 21 aqpan. QazAqparat - Negizinen bıýrokratııalyq sebepterdiń saldarynan 2 myń bala baspana kezegine tirkelmegen.
Bul týraly búgin Astanada ótip jatqan alqa májilisinde QR Bas prokýratýrasy Áleýmettik-ekonomıkalyq saladaǵy zańdylyqty baqylaý boıynsha departamentiniń bastyǵy Qanat Seıdǵapbarov málim etti.
«Búginde Parlamentte jetim balalardyń baspanalyq quqyn kúsheıtýge negizdelgen zań jobasy qarastyrylýda. Biraq, ókiletti tulǵalardyń balalarǵa degen jaýapkershilikti qarym-qatynasy bolmasa, bul zańnyń ózi de kómektese almaıdy»,-dep atap ótti ol.
Departament bastyǵynyń sózinshe, qazirgi kezde baspana alý boıynsha 2 myń bala negizinen bıýrokratııalyq sebepterdiń saldarynan kezekke turǵyzylmaǵan. Al, bólek jaǵdaılarda jetim balalardyń ózderinde bolǵan baspanalar olardyń ıeliginde saqtalmaı jatady.