Eki mınıstr xalyq aldynda esep beredi

ASTANA. QazAqparat - Ortalyq kommýnıkatsııalar qyzmetiniń resmı ókili Oksana Loskýtova ortalyq memlekettik organdardyń jumys josparyn jarııalady. Osy aptada eki mınıstr xalyq aldynda esep beredi, dep xabarlaıdy QazAqparat tilshisi.

"21 maýsym kúni Qazaqstan Respýblıkasy Aqparat jáne kommýnıkatsııalar mınıstri Dáýren Abaevtyń xalyqqa esep berý kezdesýi ótedi. Al kelesi kúni, 22 maýsymda densaýlyq saqtaý mınıstri Eljan Birtanov xalyq aldynda esep bermek", - dedi O. Loskýtova búgingi brıfıngte.

Budan bólek, Bilim jáne ǵylym mınıstrligi "Serpin" baǵdarlamasynyń alǵashqy túlekterine dıplom tabystasa, densaýlyq saqtaý mınıstrligi kezekti kongresti ótkizedi. Al depýtattar qazaq-ózbek shekarasynan ótkizý erejesine túzetýler engizbekshi.