Eki kúnniń ishinde 4,6 myńnan astam ózbek-qyrǵyz azamattary shekaradan ótkizildi

NUR-SULTAN. QazAqparat - 4-5 tamyz kúnderi Qazaqstan aýmaǵy arqyly Reseıden 4 600-den astam Ózbekstan men Qyrǵyzstan azamattary tranzıttik dáliz arqyly ótti, dep habarlaıdy QazAqparat tilshisi.

«Qyrǵyz ben ózbek tarapy 27 shilde men 3 tamyzda Reseı Federatsııasynan óz azamattaryn shyǵarý úshin tranzıttik dáliz berý ótinishimen bizge resmı júgingen bolatyn. Bul másele oń sheshimin tapty. 4-5 tamyz kúnderi Reseıden Qazaqstan aýmaǵy arqyly 2 435 Qyrǵyzstan azamaty mingen 40-tan astam avtobýs ótti. 2,2 myń Ózbekstan azamatynyń tranzıti ózbek tarapy usynǵan temir jol kóligimen júzege asyryldy», - dedi QR Syrtqy ister mınıstrliginiń baspasóz qyzmetinen.

Qyrǵyzstan Syrtqy ister mınıstrliginiń málimetinshe, 1 101 qyrǵyz mingen 20 avtobýs 4 tamyz kúni keshkisin Qazaqstan-Reseı shekarasynan ótken. Qazirgi ýaqytta Qazaqstan aýmaǵy arqyly Qyrǵyzstanǵa ketip bara jatyr. Al 1 356 qyrǵyz mingen 23 avtobýs Qazaqstan-Reseı shekarasynan búgin ótti jáne Qyrǵyzstanǵa qaraı bet aldy.