Eki kompanııaǵa qazaqstandyq tutynýshylardy kemsitkeni úshin aıyppul salyndy - EEK

 ASTANA. QazAqparat  - Eýrazııalyq ekonomıkalyq komıssııa óz tájirıbesinde alǵash ret EAEO-da tutynýshy quqyǵyn jáne erkin básekelestikti qorǵaıtyn sheshim qabyldady, dep habarlaıdy «QazAqparat» EEK baspasóz qyzmetine silteme jasap.

Eýrazııalyq ekonomıkalyq odaqtaǵy (EAES) básekelestik erejesin buzý máselesi  Eýrazııalyq ekonomıkalyq komıssııanyń (EEK)  alqa otyrysynda qaraldy.  Onda 2015 jyldyń 1 qańtarynan 2016 jyldyń 30 maýsymyna deıin «Novolıpetsk metallýrgııa kombınaty» men «VIZ-Stal» kásiporny elektrtehnıkalyq anızatrop segmentindegi ózderiniń ústemdikti jaǵdaılaryn bura paıdalanyp, Odaq  elderiniń satyp alýshylaryna birdeı emes shart usynǵan.

Eki kásiporynǵa jáne olardyń basshylaryna aıyppul salyndy.

Atalǵan kásiporyndar olardyń tutynýshylary - Belarýs Respýblıkasy men Qazaqstan Respýblıkasyna atalǵan ónimderge baǵa bekitýde makroekonomıkalyq táýekelge ushyratatyn qosymsha shartty paıdalanǵan. Bul satý qunynyń kóterilýine soqtyrdy.

Atalǵan kemsitýshilik koeffıtsıentiniń mólsheri bekitilgen bazalyq baǵadan 23 paıyzǵa kóbeıýge soqtyrýy múmkin. Mundaı shara Belarýs Respýblıkasy men Qazaqstan Respýblıkasynyń tutynýshylaryn ústemdikti jaǵdaılaryn paıdalana otyryp kemsitýshilikke uryndyrý bolyp tabylady jáne aıyppul túrinde jaýapkershilikke tartqyzady.

Aıyppul terrıtorııasyna kásiporyn tirkelgen EAEO-ǵa múshe-memlekettiń bıýdjetine aýdarylady.

Sheshim resmı jarııalanǵan datadan bastap 30 kúntizbelik kúnniń ishinde kúshine enedi.