Eki qolynan aıyrylǵan aqtóbelik oqýshynyń anasy jurttan kómek surady
Aqtóbe oblysy, Shalqar qalasyndaǵy trasformatorǵa kúıip qalǵan Damır aýrýhanadan shyǵyp, úıine oraldy. Aldaǵy 4 aıda ol ýchaskelik dárigerlerdiń baqylaýynda bolady. Onyń keýde tusyna, aıaǵyna, baqaıyna teri jamaldy. Qajetti teri 9 jastaǵy balanyń aıaǵynan alyndy. Birneshe otany ótkergen oqýshyǵa endi múgedektik beriledi. Al ata-anasy jasandy qol jasatýǵa halyqtan kómek surap otyr.
"Jasandy qoldyń quny Reseıde - 30 mıllıon teńge. Bizge ekeýin jasatý kerek. Qazir 3 mıllıon teńge qarjy jınaldy. Qajetti aqshany jınaı almaǵan soń halyqtan kómek suraımyz. Bala qazir sabaq oqymaıdy, úıde baǵyp otyrmyz. Eshkimdi kórgisi kelmeı, bir bólmede otyrady. Dostarymen de kezdespeıdi", - dedi Damırdiń anasy Gúlmıra Faktýlına.
Eske salsaq, oqýshy mektep aýlasyndaǵy trasformatorǵa túsip qalyp, eki qolynan aıyryldy. Oǵan birneshe ota jasalyp, birneshe kún dárigerlerdiń baqylaýynda boldy. Samat Smaqov oqýshymen kezdesip, óz jeıdesin syıǵa tartý etti.