Eki qandasymyz mońǵolııalyq Forbes-tyń «30-ǵa deıingi 30» reıtıngine endi

NUR-SULTAN. QazAqparat - Mońǵolııadaǵy qandasymyz Bazar Áshimuly men Aıagúl Tileıhanqyzy mońǵolııalyq Forbes-tyń «30-ǵa deıingi 30» reıtıngine endi. Bul týraly QazAqparat KazNews saıtyna silteme jasap habarlaıdy.

Mońǵolııalyq Forbes jýrnaly «30 jasqa deıingi eń perspektıvaly 30 mońǵolııalyq» reıtıngin jarııalady.

Tizimde ártúrli saladaǵy myqty jas kásipkerler bar. Bıylǵy tizimge eki qandasymyz kirgen.

Onyń biri - «Herýga partners» kompanııasynyń negizin qalaýshy, advokat Bazar Áshimuly.

Jas bıznesmen 2014 jyly Mońǵolııa Ulttyq ýnıversıtetin bitirgen. 2017 jyldan beri zańgerlik salada qyzmet atqaryp júr.

Al ekinshisi - qandasymyz, «CallPro» kompanııasynyń atqarýshy dırektory Aıagúl Tileıhanqyzy.