Eki dúrkin Olımpıada chempıony dopıng daýyna ilikti

ASTANA. QazAqparat - Halyqaralyq Olımpıada komıteti (HOK) bıatlonnan eki dúrkin Olımpıada chempıony reseılik Olga Zaıtsevany dopıng qoldanǵany úshin aıyptaýda. Bul týraly «Sport-ekspress» habarlady. 

Basy daýǵa qalǵan sportshynyń esimi WADA jumysynyń esep berý barysynda ataldy. Sochı Olımpıadasyndaǵy Olganyń dopıng synamasy turǵan arnaıy ydysynyń syrylǵany dáleldendi. HOK uıymynyń nusqasy boıynsha, zertteý synamasynda zań buzýshylyqtar oryn alǵan.

Bul oqıǵaǵa qatysty sportshy óziniń pikirin bildirdi.

«Eger olar barlyq reseılik sportshylardyń dopıng-synamalaryn teksergisi kelse, teksersin. Sonymen birge ár Olımpıadanyń barlyq jeńimpazdaryn teksersin. Sonda ádil bolady. Al qazir ne istep otyr, bul jaǵdaı ádiletsizdik», - dedi Zaıtseva.

Aıta keteıik, Zaıtseva osy aıdyń sońynda HOK aldynda atalmysh jaǵdaı boıynsha esep bermek.