Eki azamattyǵy bar 54 adam Qazaqstan aýmaǵyna kirmek boldy - UQK
14:02, 11 Aqpan 2023
ASTANA. QazAqparat – Ótken qańtar aıynda Ulttyq qaýipsizdik komıtetiniń Shekara qyzmeti ótkizý pýnkterinde eki azamattyǵy bar adamdardyń shekaradan ótýiniń 54 faktisin anyqtady, dep habarlaıdy QazAqparat.
QR UQK málimetinshe, mundaı zańbuzýshylyqqa negizginen Reseı, Túrik jáne Qytaı elderiniń azamattary barǵan.
«Ustalǵan adamdar odan ári tekserý júrgizý úshin polıtsııa organdaryna berildi.
Shekara qyzmeti halyqaralyq baılanys arnalarynda eki azamattyǵy bar adamdardy anyqtaý boıynsha kúsheıtilgen jumysty jalǵastyrady», - delingen vedomstvo habarlamasynda.