EQDB vıtse-prezıdenti Qazaqstan jaıynda: Bul eldiń bolashaǵy zor
«Bul elge qarap turyp, onyń bolashaǵyn, ósimin kóremin. EQDB elderińizdiń ósimine úles qosý úshin ne istedi? Biz álemniń 30 elinde jumys istep, BAQ-pen, jeke sektormen ózara is-qımyldy júzege asyramyz. Konsýltatsııalyq jumys júrgizip, ekonomıkalyq departamenttermen jumys isteımiz. Qarjy ınstıtýttarymen kóptegen máselelerdi qarastyramyz jáne bul áıelderdiń maqsatyna jetýine septigin tıgizedi. Jeke sektorda Almatyda júzege asyryp jatqan jobalarymyz da bar. Bul jobany júzege asyrý barysynda genderlik aspektige nazar aýdaryp, áıelderdiń qatysýyna basa mán beremiz», - dedi ol elordada ótip jatqan ІІ Qazaqstannyń aýyl áıelderi forýmynda.
Onyń atap ótýinshe, áıelder bul ómirde belgili bir múmkinshilikterdi ala almaı otyr. ıAǵnı, erterekte tek erkekter ǵana aınalysýy tıis delinetin salalarǵa qatysa almaýda.
«Biz mundaı múmkindikterdi zerdeleımiz. Máselen, áıelder traktor júrgizýshisi bolyp jumys isteı ala ma? Eger sizdiń traktor júrgizýge lıtsenzııańyz bolmasa, onda siz bul saladan tys qaldyńyz degen sóz. Siz avtobýs ta júrgize almaısyz. Demek bul ındýstrııadan da tys qalyp otyrsyz. Sondyqtan olardyń ózderi bul salada jumys istegisi kelmeıdi degen oı qalyptasqan. Biz Úkimetke júgingennen keıin qazir Almaty kóshelerinen avtobýs júrgizgen áıelderdi kóre alasyzdar. Búginde Úkimet bizben birge qaıta qaralýy tıisti zańdardy qarastyryp jatyr. Jáne de biz áıelder ala almaı kelgen mamandyqtardy qaraımyz. Úkimetke zańnamany qaıta qaraýǵa týra keledi jáne biz bul rette naqty tabysqa qol jetkizemiz», - dedi EQDB vıtse-prezıdenti.