EQDB úsh oblystaǵy gıdromelıoratıvti júıeni jańǵyrtý jumystaryn qarjylandyrady
20:02, 10 Mamyr 2017
ASTANA. QazAqparat - Kıprde Eýropa Qaıta qurý jáne Damý Bankiniń Basqarýshylar Keńesiniń jyl saıynǵy otyrysy sheńberinde QR Qarjy mınıstri Baqyt Sultanov pen Eýropa Qaıta Qurý jáne Damý Bankiniń Birinshi vıtse-prezıdenti Fıl Bennetpen Qazaqstan Respýblıkasy Qarjy mınıstrligi men Eýropa Qaıta Qurý jáne Damý Banki arasyndaǵy «Aqtóbe, Jambyl jáne Ońtústik Qazaqstan oblystarynyń sý sharýashylyq jáne gıdromelıoratıvti júıelerin qaıta qalpyna keltirý» jobasy boıynsha Kepildik kelisimine qol qoıdy.
Bul týraly QR Qarjy mınıstrliginiń baspasóz qyzmeti habarlady.
Eýropa Qaıta Qurý jáne Damý Banki Qazaqstan Respýblıkasynyń Aýyl sharýashylyǵy mınıstrligi Sý resýrstary komıtetiniń «Qazsýshar» sharýashylyq júrgizý quqyǵyndaǵy respýblıkalyq memlekettik kásipornyna osy Jobany qarjylandyrý úshin 180 mln AQSh dollaryna deıingi somada memleket kepildigimen qaryz berip otyr.
Bul qarjyǵa Aqtóbe, Jambyl jáne Ońtústik Qazaqstan oblystarynyń sý sharýashylyǵy men gıdromelıoratıvti júıelerdi qaıta qurý jáne qalpyna keltirý, sondaı-aq sýarmaly sýdyń sapasyn jaqsartý jáne sýarmaly jerlerdi sýarmaly sýmen qamtamasyz etý maqsatynda qoldanystaǵy sýlandyrý júıesiniń PÁK tıimdiligin arttyrý jumystary júrgiziletin bolady.