EQDB basshysy: AHQO «Bir beldeý, bir jol» jobasynyń haby bola alady
«AHQO-nyń ashylýy birneshe sebepterge baılanysty óte mańyzdy sanalady. Ol óte aýqymdy baǵdarlama bolady dep esepteımiz jáne bolashaqta Qazaqstan halqynyń gúldenýine sep bolady», - dedi ol.
Sonymen qatar bank basshysy Qazaqstan Úkimeti jumysynyń túrli baǵytta progreske qol jetkizgenin basa aıtty.
«AHQO-nyń qurylýy solardyń biri, al bizdiń bank AHQO qurý protsesiniń senimdi seriktesi sanalady», - dedi Sýma Chakrabartı.
Onyń paıymynsha, «Astana» halyqaralyq qarjy ortalyǵy «Bir beldeý, bir jol» jahandyq jobasynyń negizgi qarjylyq habtarynyń biri bola alady.
«AHQO-ny damytý eldegi jalpy reformalardy júzege asyrýda mańyzdy rólge ıe. Ortalyq otandyq jáne sheteldik ınvestıtsııalardy baǵyttaýǵa, ósimdi yntalandyrýǵa korporatıvtik basqarýdyń jańa standarttaryn qalpyna keltirýge, tájirıbe bólisýge septigin tıgizedi. Sonymen qatar ol iri kompanııalardy jekeleshendirý úshin de mańyzdy rólge ıe. Al bul, eldiń basty maqsattarynyń biri sanalady», - dedi ol.
Buǵan deıin habarlaǵanymyzdaı, Elbasynyń qatysýymen «Astana» HQO-nyń resmı ashylýy ótti.
Shara barysynda Nursultan Nazarbaev Astana Táýelsizdigimizdiń, elimizdiń bereke-birliginiń, damýynyń, dárejesiniń sımvoly, barlyq bastamalar men oń ózgeristerdiń flagmany ekendigin basa aıtqan edi.
Resmı sóz sóıleýlerden keıin Nursultan Nazarbaev gong soǵý arqyly AHQO qyzmetin iske qosty.
Foto: www.drt915.gr