Ekibastuzdan Maıqaıyń kentine aýyzsý jetkizetin úlken qubyr 27 jyldan beri jańartylmaǵan

<p>PAVLODAR. KAZINFORM &mdash; Ábden tozyǵy jetken sý qubyry ýchaskesine tek bıyl ǵana qarajat bólinip, barlyǵy 20 shaqyrymǵa jýyq jeli qaıta jańarady. Merdiger qazirgi sátte 10 shaqyrymyn aýystyryp úlgergen.</p>

Ekibastuz qalasynyń ákimi Aıan Beısekın Ekibastuz-Maıqaıyń aýyzsý qubyrynyń qazirgi ýaqytta jańartylyp jatqanyn jetkizdi.

— Maıqaıyń sý qubyryn qaıta jańartý jumystary júrgizilip jatyr. Nysanǵa baryp, jumystyń júrgizilý barysyn tekserdim. Qubyrdyń bul ýchaskesi 27 jyl boıy jańartylmaǵan. Barlyǵy 20 shaqyrymǵa jýyq jeli salynady. Qazirgi ýaqytta 10 shaqyrymnan astam qubyr aýystyryldy. Jalpy qarqyn jaman emes, merdiger uıymǵa bekitilgen merzimge sáıkes jumystardy aıaqtaýdy tapsyrdym, - dep habarlady qala basshysy.

Atalǵan sý qubyryn jańartýǵa bıýdjetten 6,2 mlrd teńge bólingen.

Ekibastuzdan Maıqaıyń kentine aýyzsý jetkizetin úlken qubyr bıyl 21 aqpan kúni qatyp qalyp, saldarynan 10 myńǵa jýyq turǵyny bar Maıqaıyń kenti sýdan tarshylyq kórdi.

Keıin Maıqaıyńda tehnogendik sıpattaǵy tótenshe jaǵdaı jarııalanǵan edi.

Tek arada 10 kún ótkende ǵana qubyrdaǵy aqaý joıylyp, aýyzsý qysymy qalpyna keldi. 

Eske sala keteıik, QR Úkimeti Pavlodar, Ekibastuz jáne Aqsý qalalarynda jylý jelilerin salýǵa 9 mlrd teńge bóldi.