Ekibastuzdaǵy jappaı ýlaný oqıǵasy boıynsha sotqa deıingi tergeý bastaldy

<p>PAVLODAR. KAZINFORM - &nbsp;Ekibastuz polıtsııasy jergilikti meıramhanalardyń birindegi adamdardyń tamaqtan jappaı ýlaný faktisi boıynsha sotqa deıingi tergeýdi bastady. Kásipkerlik nysany sanıtarııalyq jáne gıgıenalyq erejelerdi buzýy yqtımal.</p>

Bul týraly Pavlodar oblysy polıtsııa departamentiniń baspasóz qyzmeti habarlady.

«Polıtsııa abaısyzda jappaı aýrýǵa, adamdardyń ýlanýyna ákep soqqan sanıtarııalyq erejelerdi nemese gıgıenalyq normatıvterdi buzý faktisi boıynsha sotqa deıingi tergeýdi bastady. Ekibastuz sanıtarııalyq-epıdemıologııalyq baqylaý basqarmasyna sebepter men jaǵdaılardy anyqtaý úshin tekserý júrgizý tapsyryldy. Protsessýaldyq sheshim saraptama nátıjelerin alǵannan keıin qabyldanady», - dep málimdedi baspasóz qyzmetinen.

Eske sala keteıik, Ekibastuzda toıǵa jınalǵan qonaqtardyń tamaqtan jappaı ýlanyp qalǵany týraly jazǵan edik. Jergilikti aýrýhanaǵa 32 adam júgingen.