Ekibastuzda júkti kelinshek kópqabatty úıden sekirip kóz jumdy

<p>PAVLODAR. KAZINFORM - 30 jasar kelinshektiń artynda er balasy qalǵan. Júktiligi boıynsha arnaıy esepke ótken jyldyń qazan aıynda turǵan.</p>

Oqıǵa Pavlodar oblysynyń Ekibastuz qalasynda, seısenbi kúni túnde bolǵan.

Áıel ózi turatyn kópqabatty úıdiń terezesinen sekirip ketken. Jedel járdem qyzmetkerleri 30 jasar kelinshektiń sol jerde jantásilim etkenin anyqtady.

Qaıtys bolǵan azamatsha júktiliktiń 22-aptasynda bolǵan.

— Jedel járdemdi 23 qańtar kúni saǵat 01:42-de shaqyrdy. Kólik oqıǵa ornyna 5 mınýtta jetti. Medıtsına qyzmetkerleri kelinshektiń oqıǵa ornynda jan tapsyrǵanyn tirkedi, -dep habarlady óńirlik jedel járdem stansasynyń baspasóz qyzmetinen.

Qaıtys bolǵan kelinshektiń múrdesi sot-medıtsınalyq saraptama jasaý úshin Pavlodar qalasyna jetkizildi.

Polıtsııa qazirgi ýaqytta qaıǵyly oqıǵanyń sebep-saldaryn anyqtap jatyr.

Belgili bolǵandaı, áıel adam páterde anasymen jáne 10 jasar ulymen birge turǵan.