Ekibastuzda jylý temperatýrasyn kóterý úshin barlyq amaldar jasalyp jatyr

<p>Ekibastuzda energetıkalyq qazandyqtar tsehy úzdiksiz jumys istep tur. Bul týraly oblys ákimi Asaıyn Baıhanov <a href="https://www.instagram.com/asaiyn.baikhan/?utm_source=ig_embed&amp;ig_rid=1ad66f0c-e98b-40fd-a722-33426bcc2238" target="_blank" rel="noopener">Іnstagram</a> áleýmettik jelisindegi paraqshasynda málim etti, dep habarlaıdy Kazinform.</p>

Eki tsehtyń biriniń sýmen kúldi jýyp shyǵaratyn jerinde oryn alǵan aqaý qalany jylýmen qamtamasyz etýdi toqtatýǵa áser ete almaıdy, tek temperatýrany birshama tómendetti. Qalaı bolǵanda da, JEO temperatýralyq parametrleri keminde 9 kg/sm2 qysymmen berilip, 63 gradýstan tómen bolmaıdy.

– Qazirgi ýaqytta aldaǵy birneshe saǵat ishinde jylý júıesiniń temperatýrasyn 80-90 gradýsqa deıin kóterý úshin barlyq qajetti sharalardy qabyldap jatyrmyz. Bul jınalǵan sýdy tolyǵymen soryp shyǵaryp, sý jylytý qazandyqtaryn mazýttan kómirge aýystyrǵannan keıin ǵana tutynýshylarǵa beriletin temperatýrany ózgertýge múmkindik beredi, – dedi Asaıyn Baıhanov.

Eske sala keteıik, keshe túnde Ekibastuz JEO-da sý jylytý qazandyq agregattarynda kúldi shyǵarýǵa arnalǵan sý qubyryna zaqym kelgen bolatyn (kúıgen kómirdi nemese kúldi shaıý qubyry). Oryn alǵan aqaý úsh saǵattyń ishinde joıyldy. Qazir sý basqan jerlerden sýdy soryp shyǵarý jumystary júrgizilýde.

Keshe túnde úsh rezervtik sý jylytý qazandyǵy birden suıyq otyn - mazýtqa aýystyryldy. Bul bıylǵy jyly Ekibastuz JEO qazandyqtaryn jóndeý boıynsha atqarylǵan aýqymdy jumystardyń arqasynda múmkin bolyp, nátıjesinde qýaty mol qazandyqtar rezervin berdi.