Ekibastuzda jylyna mıllıon tonna bolat óndiretin zaýyt salynady

<p>PAVLODAR. KAZINFORM - &laquo;Railways Systems KZ&raquo; kompanııasy Ekibastuzda jańa býyndy elektrometallýrgııalyq zaýyt salýǵa nıetti.</p>

Qurylysy 208 mlrd teńgege baǵalanatyn kásiporyn ashylsa, jańadan 1000 jumys orny paıda bolady.

Kenshiler qalasynyń ındýstrııalyq aımaǵynda jylyna 1 mln tonna joǵary tehnologııalyq bolat óndiretin jańa zaýyt salynady dep kútilip otyr. «Railways Systems KZ» kompanııasy bul jobaǵa 208 mlrd teńge qarajat quımaq nıette.

- Kásiporynda 1000-nan astam jumys orny ashylady. Bul joba bizdiń óńir úshin joǵary shekti klasterlerdi qurýǵa baǵyttalǵan basymdyqtardyń biri bolmaq. Joǵary tehnologııalyq kásiporyn Ekibastuzdyń áleýmettik-ekonomıkalyq damýyn kúsheıtedi. Zaýyttyń áý bastan joǵary ekologııalyq jáne áleýmettik standarttardy eskere otyryp jobalanýy mańyzdy bolyp otyr,- dep habarlady Pavlodar oblysynyń ákimdiginen.

Metallýrgııa zaýytynyń ashylýy 2028 jylǵa josparlanǵan. Metallýrgııa ónimderiniń 40%-ǵa deıingi kólemin TMD jáne Eýroodaq elderine eksporttaý kózdelip otyr. Joba elektrometallýrgııa salasyndaǵy iri eýropalyq ınjınırıngtik kompanııamen birlesip iske asyrylady. Ozyq tehnologııalardyń kómegimen balqytý jáne legırleý protsesi álemdik kórsetkishtermen salystyrǵanda 20-50%-ǵa deıin jedeldetiledi. Osynyń arqasynda energııa qýatyn tutyný jartylaı azaıady.

Atalǵan joba boıynsha Pavlodar oblysynyń ákimdigi men «Railways Systems KZ» JShS kompanııasy arasynda yntymaqtastyq týraly memorandýmǵa qol qoıyldy

Buǵan deıin Úkimet basshysy Oljas Bektenov metallýrgııadaǵy óndiris kólemin ulǵaıtýdy tapsyrǵan bolatyn.