Ekibastuzda jetkinshek sý toly shuńqyrǵa qulap kóz jumdy

<p>PAVLODAR. KAZINFORM &mdash; Kóshede qaraýsyz oınap júrgen bala abaısyzda shuńqyrǵa qulap, sýǵa tunshyǵyp kóz jumǵan. Jetkinshektiń múrdesin jergilikti turǵyndar baıqaǵan.</p>

Búgin tústen keıin Ekibastuzdaǵy kóshelerdiń birinde qazylǵan shuńqyrdan 2019 jyly týǵan jetkinshektiń múrdesi tabyldy. Aldyn ala boljam boıynsha bala oınap júrip, abaısyzda sý toly shuńqyrǵa aıaǵy taıyp qulaǵan.

«Búgin saǵat 17:28–de polıtsııanyń kezekshi bóliminen Ekibastuzdaǵy Toraıǵyrov kóshesine jaqyn jerdegi sý toly shuńqyrǵa 2019 jylǵy bala qulap, kóz jumǵany týraly habarlama tústi. Ol oınap júrgende abaısyzda shuńqyrǵa qulap, sýǵa tunshyǵyp qalǵan. Balanyń denesin baıqaǵan jergilikti turǵyndar sýdan alyp shyqqan», dep málimdedi Pavlodar oblysy tótenshe jaǵdaılar departamentinen.

Óńirlik densaýlyq saqtaý basqarmasy oqıǵa jaıynda jedel járdemge saǵat 16:50–de qońyraý túskenin habarlady. Jedel járdem brıgadasy arada 6 mınýt ótkende oqıǵa ornyna jetken. Alaıda medıtsına qyzmetkerleri balanyń júregi toqtaǵanyn tirkedi.

Jazataıym oqıǵa boıynsha qazirgi ýaqytta sot-medıtsınalyq saraptama taǵaıyndaldy.