Ekibastuzda zańsyz balyq aýlaǵandar ustaldy

<p>PAVLODAR. KAZINFORM - Ýyldyryq shashý kezeńine baılanysty tyıymǵa qaramastan sý aıdyndarynda aý quryp júrgender azaıar emes. Sońǵy aptada ekibastuzdyq polıtseıler eki birdeı kólikti toqtatyp, zańsyz aýlanǵan balyqty anyqtady.</p>

Ekibastuzdyq polıtseıler Stella-Ekibastuz avtojolynda VAZ-21214 markaly avtokólikti toqtatyp, júk salǵyshynan jalpy salmaǵy 120 kılogram balyq tapqan. Kelesi kúni ÝAZ-3163 markaly avtomashınadan bir qap balyq pen bes dana aý quraldaryn anyqtady. 

Foto: Pavlodar oblysy polıtsııa departamentiniń baspasóz qyzmeti

«Balyq aýlaý erejelerin, sondaı-aq balyq resýrstaryn jáne basqa da sý janýarlaryn paıdalaný erejelerin buzǵany úshin eki azamat ta ákimshilik jaýapkershilikke tartyldy. Árqaısysyna 10 aılyq eseptik kórsetkish mólsherinde aıyppul salyndy. Al balyq resýrsyna keltirilgen zalal kólemi qosymsha eseptelip jatyr», - dedi Ekibastuz qalalyq polıtsııa basqarmasy bastyǵynyń birinshi orynbasary Tólegen Qudaıbergenov.

Ekibastuz óńirindegi polıtseıler sońǵy bir aı kóleminde balyq aýlaý erejelerin buzý boıynsha 13 faktiniń jolyn kesken.

Eske sala keteıik, Pavlodar oblysynda 15 sáýir – 30 mamyr aralyǵynda balyq aýlaýǵa ýaqytsha tyıym salynǵan. 

Foto: