Ekibastuzda úsh jasar qyz qaınap turǵan sýǵa kúıip qaıtys boldy

<p>Ekibastuzda úsh jasar qyz balanyń ústine abaısyzda ystyq sý tógildi. Sábıdi qatty kúıik shalǵan, alaıda ata-anasy jedel járdemdi tek 12 saǵattan keıin ǵana shaqyrdy.&nbsp; Oqıǵa ornyna kelgen dárigerler úsh jasar qyzdyń qaıtys bolǵanyn anyqtady, dep habarlaıdy Kazinform.&nbsp;</p>

103 qyzmetine qońyraý 30 qazan kúni túngi saǵat 02:30 shamasynda túsken.

Qaıtys bolǵan qyzdyń anasynyń aıtýynsha, ápkesi sińlisin shomyldyrmaq bolyp, abaısyzda balanyń ústine qaınaǵan sý tógip alǵan. Bul jeksenbi kúni kúndiz bolǵan. Dárigerler sábıdiń denesiniń 40 paıyzyn kúıik shalǵanyn aıtty.

«Oqıǵa bolǵan kezde bala atasy men ájesiniń jáne toǵyz jastaǵy ápkesiniń qaraýynda bolǵan. Olar kúndiz medıtsınalyq kómekke júginbegen, balanyń anasy kúıik týraly keshki ýaqytta bilgen, al túnde jedel járdem shaqyrǵan. Dárigerler balanyń bıologııalyq ólimin rastady. Onyń arqasyn, aıaǵyn 2-3 dárejeli termııalyq kúıik shalǵan», - dep habarlady Pavlodar oblystyq Densaýlyq saqtaý basqarmasynan.

Bıyl oblystyq balalar aýrýhanasyna kúıik shalǵan 530-dan astam bala tústi. Dárigerler osyndaı jaǵdaı bolǵanda birden kómekke júginý qajet ekenin eskertedi.