Ekibastuzda toıda ýlanǵandarǵa meıramhana ıesi 5 mln teńgeden astam ótemaqy tóleıtin boldy

<p>PAVLODAR. KAZINFORM &mdash; Bıylǵy sáýir aıynda toı ústinde tamaqtan ýlanyp qalǵan 18 adam Ekibastuzdaǵy &laquo;Grand Hall&raquo; meıramhanasynyń ıesinen ótemaqy talap etken edi. Sot sheshimimen meıramhana ıesi aryzdanýshylardyń jalpy somasy 5,2 mln teńgeden astam shyǵyndaryn óteıtin boldy.</p>

Bıylǵy sáýir aıynda Ekibastuzda toıǵa jınalǵan qonaqtar astan ýlanyp qalǵany týraly habarlaǵan edik. Oqıǵadan soń Ekibastuz qalalyq aýrýhanasyna jalpy sany 90-ǵa jýyq adam qaralǵan. Óńirlik densaýlyq saqtaý basqarmasynyń baspasóz qyzmetinen habarlaǵandaı, olardyń barlyǵynda tamaqtan ýlaný jáne bakterıaldy-ishek ınfektsııalary belgileri bolǵan.

Oqıǵadan zardap shekkender kóp bolsa da, sonyń ishinde 18 adam ǵana meıramhanadan moraldyq jáne materıaldyq ótemaqy talap etken.

Ekibastuz qalalyq sotynan habarlaǵandaı, meıramhana ıesi zııan shekkenderge jalpy somasy 5,2 mln teńgeden astam ótemaqy tóleıdi. Tamaqtan ushynǵan qonaqtar densaýlyǵyna baılanysty jumysta bolmaǵan ýaqyty úshin keltirilgen materıaldyq shyǵyndy óteýdi suraǵan. Suralǵan somalar mólsheri 1318 teńgeden 188 462 teńgege deıin. Buǵan qosa meıramhanadaǵy qonaqtar arasynda kámelet jasyna tolmaǵandar da bolǵan, olardyń moraldyq turǵydan zııan shekkeni úshin aryzdanýshylar 200 myń teńgeden 700 myń teńgege deıin talap etken.

Buǵan deıin Ekibastuzda toıda ýlanǵandar meıramhana ıesinen 6 mln teńge ótemaqy talap etip otyrǵanyn jazǵan edik.