Ekibastuzda sıntetıka óndiretin esirtki zerthanasy joıyldy

<p>PAVLODAR. KAZINFORM &ndash; Іshki ister mınıstrligi Pavlodar oblysynyń Ekibastuz qalasynda sıntetıkalyq esirtki óndirý boıynsha jasyryn zerthanany joıdy. Ony qalanyń eki turǵyny uıymdastyrǵan, dep habarlaıdy Polisia.kz.</p>

Ustalǵandardyń turǵylyqty jeri boıynsha tintý is-sharalary barysynda jalpy salmaǵy bir kılogramnan asatyn alfa-PvP psıhotroptyq zaty, otandyq jáne shetel valıýtasyndaǵy qarajat, elektrondyq tarazylar, sondaı-aq sıntetıkalyq esirtki óndirýge arnalǵan qurylǵylar men jabdyqtar tabyldy.

Sonymen qatar 120 lıtrden astam prekýrsor tárkilendi. Qaskóıler esirtkini shaǵyn partııalarǵa bólip, kýrerlerdiń kómegimen ınternet arqyly satýdy josparlaǵan.

Ustalǵandarǵa qatysty esirtki zerthanasyn uıymdastyrý jáne sıntetıkalyq esirtki óndirý faktisi boıynsha sotqa deıingi tergeý bastaldy. Olar ýaqytsha ustaý ızolıatoryna qamaldy.

– Jyl basynan beri polıtsııa 48 esirtki zerthanasyn joıdy, onda 250 kg qoldanýǵa daıyn sıntetıkalyq esirtki, 2,5 tonnadan astam prekýrsor jáne 72 kg-nan astam kannabıs túrindegi esirtki tárkilendi. Esirtki bıznesi salasyndaǵy 11 uıymdasqan qylmystyq toptyń áreketi toqtatyldy. Zańsyz aınalymnan 19 tonnadan astam túrli esirtki, onyń ishinde 5 tonnaǵa jýyq marıhýana men 420 kg sıntetıkalyq esirtki tárkilendi, – dep atap ótti vedomstvoda.