Ekibastuzda órt shyqqan turǵyn úıden 20 adam evakýatsııalandy

<p>PAVLODAR. KAZINFORM - Qutqarylǵan turǵyndardyń jeteýi &ndash; bala. Qutqarýshylar órtti nebári jarty saǵattyń ishinde sóndirip úlgerdi.</p>

Ekibastuz qalalyq tótenshe jaǵdaılar basqarmasynyń málimetinshe, 7 aqpan kúni saǵat 07:08-de Abaı kóshesi, 49/2 mekenjaıy boıynsha ornalasqan kópqabatty úıdiń tórtinshi qabatynda páter janyp jatqany týraly habarlama túsken.

«Órt sóndirýshiler oqıǵa ornyna shuǵyl jetti. Atalǵan mekenjaıda eki bólmeli páterdiń balkony men qonaq bólmesinde úı zattary janyp jatqany anyqtalǵan. Órttiń aýmaǵy 12 sharshy metrdi qurady», – delingen tótenshe jaǵdaılar basqarmasynyń habarlamasynda.

Órt sóndirý bólimsheleri baspaldaqpen kóterilgenge deıin podezde turatyn 20 adam óz betinshe dalaǵa shyǵyp úlgergen. Jalyn saǵat 07.25-te aýyzdyqtalyp, saǵat 07.47-de sóndirildi.

Órttiń shyǵý sebep-saldary anyqtalýda.