Ekibastuzda kómir kenishinde alyp ekskavator órtendi

<p>PAVLODAR. KAZINFORM — Kómirdi úzdiksiz kúrep, qazatyn rotorly ekskavatordyń bul ýaqytta jóndeýde turǵany anyqtaldy. Ot elektr symynyń tuıyqtalýynan shyqqan.</p>

Bul týraly Pavlodar oblysy tótenshe jaǵdaılar departamentiniń baspasóz qyzmetinen habarlandy.

«14 sáýir kúni saǵat 12.10-da „Bogatyr Kómir“ JShS-niń Severnyı kenishinde № 1106 rotorly ekskavatory órtengen. Agregat ol kúni jóndeýde turǵan ári tehnıkanyń qoldanys merzimi aıaqtalǵany sebepti ári qaraı esepten shyǵarýǵa daıyndalǵan. Órttiń shyǵý sebebi — symdardyń qysqa tuıyqtalýy. Tilsiz jaý saǵat 13.40-ta kásibı áskerılendirilgen avarııalyq-qutqarý qyzmeti respýblıkalyq ortalyq shtabynyń kúshimen aýyzdyqtaldy» dep málimdedi baspasóz qyzmetinen.

Órtten zardap shekkender joq.

Kenishtegi kómir óndirý jumystary shtattyq rejımde jalǵasyp jatyr.