Ekibastuzda keıbir tutynýshylar men bıznes nysandary úshin elektr energııasy arzandady

<p>PAVLODAR. KAZINFORM &mdash; Ekibastuzda áleýmettik mańyzy bar azyq-túlik taýarlaryn óndiretin tutynýshylar men bıznes sýbektileri úshin elektr energııasynyń baǵasy tómendetildi. Bastama Memleket basshysynyń deldaldyq qurylymdardy, sonyń ishinde tutynýshylardy elektrmen jabdyqtaý tizbegindegi ónimsiz deldaldardy alyp tastaý jónindegi tapsyrmasy sheńberinde júzege asty. Bul týraly Tabıǵı monopolııalardy retteý komıtetiniń Pavlodar oblysy boıynsha departamentinen habarlady.</p>

«Pavlodar oblysynda áleýmettik mańyzy bar azyq-túlik taýarlaryn óndiretin tutynýshylar men bıznes úshin elektr energııasynyń baǵasy tómendetildi. Atap aıtqanda, „Ekibastuzenergo“ JShS zańdy tulǵalar úshin elektr energııasyna baǵany 1 kVt/saǵatqa 31,02 teńgeden 29,45 teńgege deıin, ıaǵnı 5%-ǵa jáne áleýmettik mańyzy bar azyq-túlik taýarlaryn óndiretin tutynýshylar úshin 1 kVt/saǵatqa 27,51 teńgeden 27,26 teńgege deıin, ıaǵnı 0,9% -ǵa (QQS eseptemegende) tómendetý týraly habarlap otyr. Tómendetilgen baǵa 2024 jylǵy 1 maýsymnan bastap qoldanysqa engiziledi. Baǵany tómendetý Tabıǵı monopolııalardy retteý komıtetiniń aýmaqtyq departamentteri rettelmeıtin energııamen jabdyqtaýshy uıymdardy elektr energııasymen jabdyqtaý jónindegi qyzmetterge lıtsenzııalardyń qoldanylýyn jaqynda toqtatqannan keıin múmkin boldy», - dep málimdedi departamentten.

Baǵany tómendetýge tutynýshylardyń (oblystyń zańdy tulǵalary men bıýdjettik uıymdarynyń) rettelmeıtin energııamen jabdyqtaýshy uıymdardan elektr energııasyn kepildi jetkizýshige («Ekibastuzenergo» JShS) aýysýy negiz bolǵan.

Buǵan deıin, elektr energııasyn tutynýshylardy súlikshe sorǵan deldaldarǵa tosqaýyl qoıylatyny týraly jazǵan edik.