Ekibastuzda ǵımaratty buzyp jatqan kran aýdaryldy

<p>PAVLODAR. KAZINFORM - Ekibastuzda eski qonaqúı ǵımaratyn buzyp jatqan kran júk salmaǵyn kótere almaı, tumsyǵymen aspanǵa shanshylyp qaldy. Júrgizýshi kólikten ýaqytynda shyǵyp úlgergen.&nbsp;</p>

Eski «Ekibastuz» qonaqúıiniń qabyrǵasyn buzý jumystary kezinde júk kótergish kran aýdarylyp qaldy.

«Qutqarýshylar jazataıym oqıǵa bolǵan jerge ýaqytynda jetti. Biraq olardyń kómegi qajet bolmady. Júrgizýshi krannan sekirip úlgergen, zardap shekpegen. Qurylysta júrgen ózge adamdar da aman», - dep habarlady óńirlik tótenshe jaǵdaılar departamentinen.

Al Pavlodar oblysy Densaýlyq saqtaý basqarmasynyń baspasóz qyzmeti 1997 jylǵy kran júrgizýshisi jedel járdem mashınasymen Ekibastuz qalalyq aýrýhanasyna jetkizilgenin málimdedi. Dárigerler jigittiń tabany jaraqattanǵanyn anyqtaǵan. Er azamat ambýlatorlyq em qabyldaý úshin úıine jiberildi.

Eske sala keteıik, Astanada munaraly krannyń mashınısi mert boldy.