Ekibastuzda er adam jedel járdem kelip jetkenshe áıelin ózi bosandyryp alǵan

<p>PAVLODAR. KAZINFORM &mdash; Jedel járdem qyzmeti telefon arqyly kúıeýine aqyl-keńesin berip turǵan. Qazirgi ýaqytta sábı men ananyń jaǵdaıy qalypty.Medıtsınalyq brıgada tolǵatyp jatqan áıelge jetkenshe, kúıeýi 103 dıspetcheriniń barlyq nuslaýlyǵyn ornymen oryndap, kelinshegin bosandyryp alǵan. Áıel adam júktiliktiń 41-shi aptasynda bolǵan eken. Oqıǵa 28 qańtarǵa qaraǵanda túnde bolypty.</p>

— 103 pýltine júkti áıeldiń aıaq astynan tolǵaǵy bastalǵany týraly habarlama tústi. Bizdiń brıgada jedeldiliktiń birinshi sanaty boıynsha shuǵyl jiberildi. Olar kórsetilgen mekenjaıǵa 9 mınýtta jetti. Deıturǵanmen osy ýaqyt ishinde jedel járdem dıspetcheri kelinshektiń jubaıyna bosandyrýdyń barlyq tásilderin telefon arqyly túsindirip otyrǵan. Er adam esh asyp-saspastan onyń nusqaýlaryn oryndap, áıelin aman-esen bosandyryp aldy. Qazir dúnıege kelgen er bala men onyń anasynyń densaýlyǵy qalypty. Olar perzenthanaǵa jatqyzyldy,-dep habarlady óńirlik jedel járdem qyzmeti stansasynan.

Byltyr pavlodarlyq jedel járdem qyzmetkerleri 22 áıeldi úıde bosandyrǵan. Al bıylǵy jyl basynan úıde tolǵatyp jatqan 6 áıelge shaqyrtý túsken. Kóp jaǵdaıda «qońyraýdy ustap turý» ádisi, ıaǵnı 103 dıspetcheriniń aqyl-keńesi paıdalanylǵan.

Oblystyq jedel járdem stansasy basshysynyń orynbasary Olga Verbovaıanyń aıtýynsha, bosandyrý sharalaryn 103 qyzmetiniń kez kelgen qyzmetkeri júzege asyra alady. Byltyr neonatologııa boıynsha 100 qyzmetker biliktiligin arttyrǵan.