Ekibastuzda eki stýdent tapsyrys jetkizip bergen kýrerdi tonap ketti

<p>PAVLODAR. KAZINFORM - Ekeýi buryshty gaz ballonyn qoldanyp, jetkizý qyzmetimen aınalysyp júrgen azamattan jalpy somasy 400 myń teńge turatyn taýardy úptep ketken. Sotta jas jigitterdiń kinási dáleldenip, úsh jylǵa bas bostandyǵy shekteldi.</p>

Sotqa deıingi tergep-tekserý sharalarynyń málimetine súıensek, jergilikti oqý oryndarynda bilim alyp jatqan 19 jáne 22 jastaǵy eki stýdent jeńil jolmen tabys tabýdy oılaǵan. Olar kýrerge habarlasyp, elektrondy shylym jetkizip berýge tapsyrys túsirgen. Al kýrer kelgen boıda ekeýi oǵan tap berip, buryshty gaz shashqan. Sóıtip, onyń qorjynyndaǵy jalpy somasy 400 myń teńge turatyn taýardy alyp, taıyp turǵan. Deıturǵanmen polıtsııa kóp uzamaı qos batyrdy qolǵa túsirdi.

«Sotta aıyptalýshylar bul qadamǵa eki dostyń biriniń qaryzyn jabý úshin barǵandaryn jetkizdi. Kinálaryn tolyq moıyndap, jasaǵan isterine ókinetinderin aıtty. Sot barlyq jaǵdaıdy, sonyń ishinde taýardyń zardap shegýshige tolyq qaıtarylǵanyn eskere otyryp, ekeýine 3 jylǵa bas bostandyǵyn shekteý jazasyn taǵaıyndady», dep habarlady Pavlodar oblystyq sotynyń baspasóz qyzmetinen.

Eske sala keteıik, Aqsý ferroqorytpa zaýytynda kúıik shalyp qaza bolǵan qyzdyń isi sotqa jiberildi.