Ekibastuzda balyq aýlaýǵa shyqqan er adam sýǵa batyp ketti

<p>PAVLODAR. KAZINFORM &mdash; Oqıǵa Ekibastuz qalasy mańynda, 7-8-shi sorǵy aýdanynda bolǵan. Er adam abaısyzda muz jaryǵyna túsip ketip, kóz jumdy degen boljam bar.</p>

Bul týraly óńirlik Tótenshe jaǵdaılar departamentiniń baspasóz qyzmetinen habarlady.

«28 naýryz kúni saǵat 17.55-te-de Ekibastuz qalasynda, 7-8-shi sorǵy aýdanynda 1951 jylǵy azamat joǵalyp ketkeni týraly habarlama tústi. Ol sońǵy ret saǵat 12.00-de baılanysqa shyqqan. Arada biraz ýaqyt ótken soń nemeresi onyń kóligin sý qoımasynyń jaǵasynan tapty. Búgin tańerteń 5 qutqarýshy izdeý-qutqarý jumystaryna kiristi. Olar balyqshynyń múrdesin sýdan alyp shyqty», dep málimdedi baspasóz qyzmetinen.

Foto: Pavlodar oblysy TJD

Eske sala keteıik, buǵan deıin Ekibastuzda balyq aýlaýǵa shyqqan eki adam kólikpen muz astyna túsip ketip, mert boldy.