Ekibastuz MAES-2 jańǵyrtý barysynda mıllıard teńge jymqyrylǵany belgili boldy
15:40, 16 Aqpan 2024
<p>PAVLODAR.KAZINFORM – Pavlodar oblysynyń prokýratýrasy «Ekibastuz MAES-2» AQ-ny tekserý barysynda 3-shi energoblokty ornatý barysynda jylý elektr stantsııasyn keńeıtý men rekonstrýktsııalaýǵa arnalǵan qarajatty talan-tarajǵa qylyp, jymqyrylǵanyn anyqtady.</p>
Jergilikti prokýratýranyń málimetinshe, rastalmaǵan jumystardyń kólemi shamamen 1 mlrd teńgeni qurap otyr.
«Qazaqstan Respýblıkasy Qylmystyq kodeksiniń 189-baby (asa iri mólsherde múlikti jymqyrý) boıynsha sotqa deıingi tergep-tekserý sheńberinde qylmysqa qatysty mán-jaı, zalaldyń túpkilikti somasy, oǵan qatysy bar adamdar tobyn anyqtaýǵa baǵyttalǵan tergeý sharalary bastalyp ketti» - delingen habarlamada.