Ekibastuz MAES-1 ekologııa departamenti ókilderin baqylaý nysandaryna kirgizbeı qoıǵan

<p>PAVLODAR. KAZINFORM — «Bolat Nurjanov atyndaǵy Ekibastuz MAES-1» JShS-ny tekserý barysynda Pavlodar oblysy boıynsha ekologııa departamentiniń mamandary kedergige ushyraǵan. Atalǵan derek boıynsha QR Ákimshilik quqyq buzýshylyq týraly kodekstiń 462-baby, 1-bóliginde ákimshilik is qozǵaldy.</p>

Buǵan deıin Pavlodar oblysynyń ekologııa departamenti murjasynan aqaý shyqqan Ekibastuz elektr stansasyn tekserip jatqany týraly jazǵan bolatynbyz. 

Tekserý barysynda kásiporyn departamenttiń laýazymdy tulǵalaryn bógep, olardyń baqylaý nysandaryna kirýine, aspaptyq ólsheýler júrgizýine qarsylyq bildirgen.

«Departament laýazymdy adamdardyń memlekettik ekologııalyq baqylaýdy júzege asyrýyna kedergi keltirgeni úshin «Bolat Nurjanov atyndaǵy Ekibastuz MAES-1» JShS-na qatysty QR Ákimshilik quqyq buzýshylyq týraly kodeksiniń 462-babynyń 1-bóliginde ákimshilik is qozǵady. Ákimshilik quqyq buzýshylyq materıaldary sotqa jiberildi. Qazirgi ýaqytta stansaǵa qatysty tekserý sharalary jalǵasyp jatyr», — dep habarlady óńirlik ekologııa departamentiniń basshysy Qanat Musaparbekov.

Oblystyq ekologııa departamenti jyldyń alǵashqy 10 aıynda 79 kásipkerlik sýbektisiniń ekologııalyq zańnama talaptaryn 106 ret buzǵanyn anyqtaǵan. Olarǵa 45 mln teńge somasyna 60 ákimshilik aıyppul salynǵan.

Eske sala keteıik, qarasha aıynyń ortasynda Ekibastuz № 1 MAES stansasynda bir energııa blogy kenetten jumysyn toqtatty.

Ekibastuz elektr stansasyndaǵy apatqa baılanysty mınıstrlik túsinikteme berdi.

Búginde atalǵan kásiporyn eldegi elektr energııasynyń 20 paıyzyn berip otyr.