Ekibastuz qalasynda kásibı teatr paıda bolýy múmkin

<p>PAVLODAR. KAZINFORM - Pavlodar oblysynyń bıligi Ekibastuzda kásibı teatr sahnasyn qurý jáne qalalyq teatrdy ashý máselesin qarastyryp jatyr. Ol úshin ǵımaratty bıýdjetten tys demeýshilik qarajat esebinen satyp alý josparlanyp otyr.</p>

Bul týraly Pavlodar oblysynyń ákimi Asaıyn Baıhanov Telegram-daǵy paraqshasynda habarlady.

«Ekibastuzda teatr qurý áleýeti bar. «Qaınar» kesheniniń bazasynda 20 jyldan astam respýblıkalyq teatr óneri festıvalderi men konkýrstarynyń birneshe márte júldegeri atanǵan «Maska» teatr stýdııasy jumys isteıdi. Al 2020 jyly «Óner» qalalyq mádenıet saraıynda «Boıtumar» jastar mýzykalyq-teatr úıirmesi ashylyp, birneshe mańyzdy qoıylym sahnalandy. Búgingi tańda munda kásibı teatr sahnasyn qurý jáne qalalyq teatrdy ashý máselesin qarastyrýdamyz. Ol úshin ǵımaratty bıýdjetten tys demeýshilik qarajat esebinen satyp alý josparlanyp otyr», - dep jazdy óńir basshysy.

Qazirgi ýaqytta shaharda birneshe ǵımarat bolashaq teatr úshin qarastyrylyp jatyr. Onyń biri – burynǵy kenshiler Vádenıet saraıy. Munda turǵyndar úshin mádenı is-sharalar ótkizilgen, fılmder kórsetilgen mańyzdy oryn.

Eske sala keteıik, Pavlodardaǵy Aımaýytov teatry «Shámshi» premerasyn usyndy.