Ekaterınbýrgte lańkestik áreketke daıyndalǵan úsh sodyrdyń kózi joıyldy

NUR-SULTAN. QazAqparat – Ekaterınbýrg qalasynda kontrterrorıstik operatsııa barysynda úsh sodyrdyń kózi joıyldy. Bul týraly TASS agenttigine Ulttyq antıterrorlyq komıtettiń (UAK) aqparat agenttigi habarlaǵan.

«Federaldyq qaýipsizdik qyzmetkerleri Ekaterınbýrg qalasynda lańkestik áreketterge daıyndyqtyń jolyn kesti. Qalanyń Chkalov aýdanynda kontrterrorıstik operatsııa ótkizildi. Onyń barysynda lańkestik qyzmetke qatysy bar úsh sodyr óltirildi»,-dep habarlady komıtetten.

Sondaı-aq, arnaıy operatsııa kezinde qoldan jasalǵan jarylǵysh quraldar, qarý-jaraq jáne oq-dáriler tabylǵan.