Ekaterına Shabalına Afrıka kýbogynda qola júlde jeńip aldy

NUR-SULTAN. QazAqparat – Ekaterına Shabalına Morokkoda ótken Afrıka kýbogynda trıatlonnan qola júlde jeńip aldy, dep habarlaıdy QazAqparat.

«Keshe Morokkonyń Dahla qalasynda sprınt qashyqtyǵyndaǵy trıatlonnan Afrıka kýbogy ótti. Saıysqa álemniń 15 elinen kelgen Elite sanatyndaǵy 37 trıatlonshy qatysty. Osy saıysqa qatysqan jalǵyz qazaqstandyq sportshy Ekaterına Shabalına 01:01:34 nátıje kórsetip qola júldege ıe boldy. Birinshi jáne ekinshi oryndardy japondyq sportshylar Mınorı Ikeno (01:00:57) ı Chısato Nakadjıma (01:01:12) aldy», - dedi trıatlonnan Nur-Sultan qalalyq aǵa jattyqtyrýshysy Murat Áýbákirov.

Erler arasyndaǵy birinshi oryndy jýyrda Thonende ótken Álem kýbogynda jeńiske jetken marokkalyq Djavad Abdelmýla (00:52:27) jeńip alǵan. Ekinshi oryndy – japondyq Ren Sato (00:52:32), úshinshi oryndy – reseılik Denıs Kolobrodov (00:52:38) ıelendi.