Ekaterına Aıdova: Mende Qazaqstanda básekeles joq
17:47, 14 Aqpan 2018
PHENChHAN. QazAqparat - Búgin Phenchhanda ótip jatqan XXIII qysqy Olımpıada oıyndarynda konkı sportynan 1000 metr qashyqtyqta synǵa túsken Ekaterına Aıdova jarystan keıin óz pikirimen bólisti, dep habarlaıdy QazAqparat tilshisi.
"Shynyn aıtsam, sharshap qaldym. Bizde sporttyń bul túrinde básekelestik joq. Biz bir orynda qalyp qoıdyq. Al ózge eldiń sportshylary ár kún saıyn alǵa jyljyp barady. Sol úshin Olımpıada oıyndarynan keıin basqa klýbqa aýysatyn shyǵarmyn. Ol jaǵyn tolyqtaı sheshken joqpyn. Bul Qazaqstan azamattyǵynan bas tartý degen sóz emes. Sizder durys qabyldańyzdar", - dep atap ótti Aıdova.
Esterińizge sala keteıik, búgin Phenchhanda ótip jatqan XXIII qysqy Olımpıada oıyndarynda konkı sportynan 1000 metr qashyqtyqta synǵa túsken Ekaterına Aıdova jalpy esepte 24-orynǵa ıe bolǵanyn jazǵan bolatynbyz.