Eki oblysta tasqynǵa baılanysty daýyldy eskertý saqtalyp tur

<p>ASTANA. KAZINFORM &ndash; &laquo;Qazgıdromet&raquo; respýblıkalyq memlekettik kásipornynyń baspasóz hatshysy Alına Ysmaǵulova ortalyq kommýnıkatsııalar qyzmetinde ótken brıfıngide &nbsp;eldiń basym bóligine jaýyn-shashynsyz kúnder kele jatqanyn aıtty.</p>

«Respýblıkamyzdyń basym bóligi aýqymdy antıtsıklon áserinde bolǵandyqtan jaýyn-shashynsyz aýa raıy kútiledi. Tek soltústik pen shyǵysta, ońtústik-shyǵystyń taýly aýdandarynda kúndiz atmosferalyq frontaldy bólikterdiń ótýine baılanysty jańbyr jaýyp, shyǵys pen ońtústikte naızaǵaıly jańbyr saqtalady. Qazaqstannyń ońtústigi men ońtústik-batysynda shańdy daýyl, shyǵys pen ortalyqta, soltústik-batysta túngi jáne tańǵy saǵattarda, tuman kútiledi», - dedi mekeme ókili.

Degenmen eldiń eki óńirinde tasqynmen baılanysty dabyldy eskertý saqtalyp otyr.

«19–22 sáýir aralyǵynda Shyǵys Qazaqstan jáne Abaı (Jarma jáne Kókpekti aýdandary) oblystarynda kúnniń jylynýy, 19-20 sáýirde jańbyr boljanyp otyrǵandyqtan, orta deńgeıdegi taýly aımaqtarda qardyń qarqyndy erýine baılanysty, betkeılerden sý júrip, ózenderdiń arnadan asýy múmkin. Osynyń saldarynan avtojol men temirjoldar, eldi-mekender men sharýashylyq nysandaryn sý basýy yqtımal.

Aqmola oblysyda Nura ózeniniń Qorǵaljyn aýylyndaǵy gıdrologııalyq beketinde sý deńgeıiáli kóterilip jatyr. Sońǵy málimet boıynsha sý deńgeıi qaýipti deńgeıden 5 santımetr (qaýipti deńgeı - 700 sm) asqan. Sý Qorǵaljyn aýylyndaǵy kópir arqyly aǵyp jatyr. Sý deńgeıi odan ári kóteriletin túri bar», - dedi Alına Ysmaǵulova.