Eki eldiń seriktestigi BUU, ShYU, AÓІSShK aıasynda tabysty damyp kele jatyr – Prezıdent

<p>ASTANA. KAZINFORM &ndash; Qazaqstan men Qytaıdyń jahandyq qaýipsizdik pen beıbitshilikti nyǵaıtý jónindegi ustanymdary ortaq. Bul týraly Qytaı Halyq Respýblıkasynyń Tóraǵasy Sı Tszınpınmen kelissózderden keıingi baspasózge arnalǵan málimdeme barysynda Memleket basshysy Qasym-Jomart Toqaev aıtty.</p>

«Tóraǵa Sı Tszınpın myrzamen aımaqtyq jáne jahandyq kún tártibindegi ózekti máseleler jóninde pikir almastyq. Bul baǵyttaǵy ustanymdarymyzdyń uqsas ekenine nazar aýdardyq. Biz kópjaqty dıplomatııany odan ary nyǵatý qajettigin atap óttik. Eki eldiń seriktestigi BUU, ShYU, AÓІSShK aıasynda tabysty damyp kele jatyr. Sonymen qatar biz Ortalyq Azııa+Qytaı dıalogyn odan ary damytýǵa kelistik. Álemdegi daý-damaıdy beıbit jolmen sheshý, geosaıası jaǵdaıdy turaqtandyrý, sondaı-aq jahandyq qaýipsizdik pen beıbitshilikti nyǵaıtý jónindegi ustanymdarymyz ortaq», - dedi Prezıdent. 

Memleket basshysy búgingi kelissóz nátıjelerin joǵary baǵalady. 

«Qazaqstan men Qytaı arasyndaǵy qarym-qatynastyń deńgeıi qashanda joǵary. Osylaısha, biz eki eldiń arasyndaǵy yntymaqtastyqtyń jańa kezeńine qadam bastyq. «Altyn 30 jyldyq» aıasynda bıik maqsat-mindetterdi tabysty júzege asyramyz dep úmittenemin. Jasalǵan árbir kelisim eki eldiń turaqty ári qaýipsiz damýyn qamtamasyz etýge, halyqtarymyzdyń ál-aýqatyn jaqsartýǵa arnalǵan. Qazaqta «Baılyqtan artyq dostyq bar. Dostyqtan artyq baılyq joq» degen támsil bar. Qytaıda da dál naqyl sóz bar. Eki eldiń tarıhı dostyǵy, tatý kórshilikke negizdelgen yntymaqtastyǵy jarqyn bolashaq jolyndaǵy qadamdary baıandy bolsyn», - dedi Qasym-Jomart Toqaev.