Eki eldiń maly tsıfrlanady

<p>Qazaqstan sórelerindegi et QR kod arqyly tańbalanady. Qazaqstandyqtar ol arqyly janýardyń týǵanynan bastap ónimniń sórege jetýiniń barlyq jolyn baqylaı alady. Bul týraly Qazaqstan men Reseıdiń XIX Óńiraralyq yntymaqtastyq forýmynda Aýyl sharýashylyǵy vıtse-mınıstri Baǵlan Bekbaýov málimdedi, dep habarlaıdy Kazinform agenttiginiń tilshisi.</p>

“Qazaqstandyqtar ónimdi tutyný kezinde onyń sapasyna senimdi bolýy kerek. Ónimdi shyǵarýdan ony paıdalanýǵa deıingi tizbekte kóptegen jaıttar kóbine eskerilmeı qalady. Endi biz bul tizbekti qadaǵalaı alamyz. Mysaly, janýar týǵanda, ony bazaǵa engizemiz. Odan keıin vaktsına egý, aýrýdy emdeý (eger aýrý bolsa), maldyń bir fermadan basqa fermaǵa kóshýin esepke alamyz. Bul protsesterdiń barlyǵy qazir tsıfrlandyrylǵan. Endi et satýmen aınalysatyn kásipkerlerdi tutynýshylarǵa osy aqparatty jetkizýdi, ıaǵnı ónimniń otbasy dastarhanyna jetkenshe qandaı jolmen júrip ótkenin kórsetýdi mindettegimiz keledi», - dep túsindirdi vıtse-mınıstr.

Joba pılottyq jobada jumys isteı bastady. QR kody - bul árbir tutas etke bekitiletin arnaıy japsyrma. Onda ónim týraly barlyq aqparat kórsetiledi. Aldaǵy ýaqytta satýshylardy bólshek saýdada kesilgen etterdi tańbalaýǵa mindetteý josparlanýda. Bul shema kelesi jyldan bastap kúshine enedi dep shamalanyp otyr. .

Vıtse-mınıstrdiń aıtýynsha, baza tehnıkalyq jaǵynan daıyn.

Aqparatty Aýyl sharýashylyǵy mınıstrligi engizetin arnaıy qosymshanyń kómegimen alýǵa bolady. Qazaqstandyq qosymshanyń ataýy áli oılap tabylǵan joq.

“Qosymshaǵa erekshe kóńil aýdarýdy josparlamaımyz. Biz halyqqa belgili basqa ınterfeısterge ıntegratsııany engizgimiz keledi. Bul, mysaly, «E-gov mobile», «Kaspi» jáne t.b. Adamdar jańa nárseni júktep alǵansha, aqparatty sol jerden alý ońaıyraq bolady dep oılaımyn», - dedi Baǵlan Bekbaýov.

Bıýdjetke keletin bolsaq, bul máselemen «Agroónerkásip keshenindegi ekonomıkalyq saıasatty taldaý ortalyǵy» JShS vedomstvolyq baǵynysty uıymy aınalysatyndyqtan, aqparattyq júıelerdi damytýǵa memlekettik bıýdjetten qosymsha qarajat qajet bolǵan joq. Aýyl sharýashylyǵy mınıstrligi bul júıeni barlyq et kombınattary men basqa da kásiporyndarǵa tegin usynady.

“Áleýetti kásipkerdiń sharýa qojalyǵy bolsa, ıelik etetin barlyq qujattary (tólqujat, malǵa ekpe egý kartalary jáne t.b.) qarapaıym tutynýshy skanerleı alatyn QR-kodqa aınalady. Bul qaǵazdar qazirdiń ózinde basyp shyǵarylady, endi olar shaǵyn kod belgishesimen aýystyrylady», - dep túsindirdi spıker.

Vıtse-mınıstr sondaı-aq reseılik áriptesterdiń kıberqorǵanystaǵy tájirıbesin atap ótti. Ol Qazaqstan úshin óziniń aqparattyń derekterin qorǵaý mańyzdy ekenin jáne bul máselede kórshi elderdiń tájirıbesi paıdaly bolatynyn aıtty.

Eske sala ketsek, búgin Qostanaıda Qazaqstan men Reseıdiń XIX Óńiraralyq yntymaqtastyq forýmy ótip jatyr. Eki eldiń prezıdentteri Qasym-Jomart Toqaev pen Vladımır Pýtın forýmǵa beınebaılanys rejıminde qatysyp otyr.

Forým barysynda Aýyl sharýashylyǵy vıtsn-mınıstri Baǵlan Bekbaýov qazaqstandyqtar qosymshadaǵy QR kody arqyly sórelerdegi ettiń qaıdan shyqqany týraly aqparat ala alatynyn habarlady.