Eki balasyn óltirdi degen kúdikpen 31 jastaǵy qyzylordalyq kelinshek qamaýǵa alyndy
12:05, 08 Aqpan 2024
<p>TÚRKІSTAN. KAZINFORM – Shıeli aýdanynyń turǵyny otbasylyq kıkiljińnen soń 2 táýlikke Túrkistandaǵy Otyrar móltek aýdanynan páter jaldaǵan. </p>
Kúdiktini izdeýge oblystyq polıtsııa departamentiniń barlyq jeke quramy jumyldyryldy. Kórshiles aımaqtar men megapolıster baǵyttamalar berildi. Qabyldanǵan sharalardyń nátıjesinde jedel ýákilder kúdiktini Shymkent qalasyndaǵy qonaqúılerdiń birinde ustady.
«Adam óltirý faktisi boıynsha barlyq mán-jaıdy anyqtaý maqsatynda tergeý júrgizilýde. Tıisti saraptamalar taǵaıyndaldy. Kúdikti áıel qamaýǵa alyndy. Іstiń tergeý barysy meniń jeke baqylaýymda», - dedi Túrkistan oblysy polıtsııa departamentiniń bastyǵy Murat Qabdenov.
Sondaı-aq polıtsııa qyzmetkerleri tek resmı derekkózderge ǵana senip, jalǵan aqparat taratpaýǵa shaqyrdy.
Aıta keteıik, keshe Túrkistanda jaldamaly páterden eki balanyń máıiti tabylǵan bolatyn.