EHRO aıasynda ótetin boks keshine shaqyrtýdy qýana qabyldaımyn - Beıbit Shúmenov
Bul týraly sportshy Instagram-daǵy óziniń paraqshasynda jazdy.
«EKSPO kórmesi aıasynda Astanada ótetin boks keshine shaqyrtýdy qýana qabyldaımyn. Álemniń ár jerinde jekpe-jek ótkizip júrgen elimizdiń boksshylary jınalyp, Astanada óner kórsetsek, bul jankúıerler úshin umytylmas estelik bolaryna senimdimin. Tek qazaqstandyq jankúıerler úshin emes,álemdegi kásipqoı boksqa qyzyǵýshylyq tanytatyndar úshin bul óte qyzyq. Sebebi qazaq boksshylarynyń judyryqtasý stılin sheteldikter jaqsy kóredi, joǵary baǵalaıdy. Qazaqstandyq jankúıerler aldynda jekpe-jek ótkizbegenime 6 jyldaı bolypty. Eldiń qıqýyn, qoldaýyn saǵyndym. Taýda júgirip, bulaq sýyn iship, qazy-qartamen qýattanatyn kún de alys emes sııaqty. 9 qyrkúıekte álem nazary Astanada bolady!»,- dep jazdy Shúmenov.
Eske sala keteıik, QR Mádenıet jáne sport mınıstri Arystanbek Muhamedıuly 17 naýryz kúni Qanat Islamdy jáne demeýshi-metsenat Baýyrjan Ospanovty qabyldap , Qanat Islamnyń EKSPO-daǵy jekpe-jeginiń ýaqytyn qyrkúıek aıyna josparlap otyrǵany týraly málim etken bolatyn.
Bul keshke taǵy bir kásipqoı boksshymyz Gennadıı Golovkın de qatysýy yqtımal. Buǵan deıin habarlaǵanymyzdaı, «Astana EKSPO-2017» Ulttyq kompanııasynyń tóraǵasy Ahmetjan Esimov QR eńbek sińirgen sport sheberi G.Golovkınmen kezdesip, onymen EKSPO kórmesine oraı boks-ıvent ótkizý múmkindigin talqylady .
Mádenıet jáne sport mınıstri Arystanbek Muhamedıuly bul máseleni kásipqoı boksshy Janqosh Turarovpen de talqylaǵan bolatyn .