Egiz kútip júrgen 5 júkti anaǵa qursaqishilik biregeı ota jasaldy

<p>ALMATY. KAZINFORM &ndash; Almaty qalasyndaǵy Perınatologııa jáne balalar kardıohırýrgııasy ortalyǵynyń dárigerlerimen birlesip, egizderge júkti, uryqtyń patologııasy dıagnozy qoıylǵan 5 áıelge tamyrly anastomozdardy lazerlik koagýlıatsııalaý boıynsha bes biregeı operatsııa sátti jasaldy. &nbsp;&nbsp;</p>

QR Densaýlyq saqtaý mınıstrliginiń málimetinshe, hırýrgtar júktiligi 20, 21, 27 apta bolǵan analarǵa qursaqishilik biregeı operatsııalar jasaǵan. Operatsııalarǵa Reseı Densaýlyq saqtaý mınıstrliginiń V. I. Kýlakov atyndaǵy Akýsherlik, gınekologııa jáne perınatologııa ulttyq medıtsınalyq zertteý ortalyǵynyń ýltradybystyq jáne fýnktsıonaldyq dıagnostıka bóliminiń meńgerýshisi, medıtsına ǵylymdarynyń doktory, ana men uryq medıtsınasy qoǵamynyń múshesi (SMFM, AQSh) Kırıll Vıtalevıch Kostıýkov qatysty. 

Foto: QR Densaýlyq saqtaý mınıstrligi

Perınatologııa jáne balalar kardıohırýrgııasy ortalyǵy Qazaqstan Respýblıkasy Densaýlyq saqtaý mınıstrliginiń eldegi uryq hırýrgııasyn engizý jáne damytý jónindegi alǵashqy pılottyq jobasy bolyp tabylatynyn atap ótý mańyzdy. 

Fetaldyq medıtsına (uryq hırýrgııasy) – bul qursaqtaǵy uryq emdeletin joǵary mamandandyrylǵan medıtsına salasy. Uryq hırýrgııasy uryqtyń erte patologııalyq jaǵdaılaryn az ınvazıvti emsharalarmúen túzetýge jáne emdeýge múmkindik beretin ınnovatsııalyq tehnologııalarǵa negizdelgen, bul anaǵa saý bala týyp, baqytty ana bolýǵa múmkindik beredi.

Fetaldyq hırýrgııa boıynsha mpaster-klass 2024 jylǵy jeltoqsanda Qazaqstan Respýblıkasy Densaýlyq saqtaý mınıstrliginiń, Almaty qalasy ákimdiginiń jáne «Aıala» qaıyrymdylyq qorynyń qoldaýymen Perınatologııa jáne balalar kardıohırýrgııasy ortalyǵynyń bazasynda ótti.

Buǵan deıin habarlanǵandaı, Atyraýda alǵash ret naýqastyń ót jolyn keńeıtý otasy jasaldy.