EGovMobile qosymshasy ambýlatorııalyq emdeýde qandaı dárini tegin alýǵa bolatynyn kórsetedi
EGovMobile qosymshasy arqyly endi ambýlatorııalyq emdeý kezinde qandaı dári-dármekter men medıtsınalyq buıymdardy tegin alýǵa bolatynyn bilýge bolady. Sondaı - aq, jańa tsıfrlyq qujat – «Jyljymaıtyn múliktiń elektrondy tehnıkalyq pasporty» qoljetimdi boldy.
«Biz azamattar úshin paıdaly qyzmetter men servısterdiń sanyn arttyrýǵa tyrysamyz. Qazir eGov.kz portalynda Densaýlyq saqtaý salasy boıynsha 37 qyzmet qoljetimdi, bizdiń maqsatymyz olardyń basym bóligin eGovMobile qosymshasynda iske asyrý», - dep atap ótti «Ulttyq aqparattyq tehnologııalar» AQ Basqarma tóraǵasy Áset Turysov.
Jańa qyzmettiń kómegimen qosymshada tegin medıtsınalyq kómektiń kepildik berilgen kólemi sheńberinde ambýlatorııalyq emdeý kezinde azamatqa qandaı dárilik zattar, mamandandyrylǵan emdik ónimder men medıtsınalyq maqsattaǵy buıymdar qajet ekenin bilýge bolady.
Qyzmetti qosymsha arqyly alý úshin «Densaýlyq saqtaý» bóliminde «Azamattardyń jekelegen sanattaryna dárilik zattardy, mamandandyrylǵan emdik ónimderdi, medıtsınalyq maqsattaǵy buıymdardy usyný» qyzmetin tańdap, kezeńdi kórsetý jáne qyzmetke tapsyrys berý qajet. Bir jumys kúni ishinde suraý salýóńdelip, jaýap kelip túsedi.
Qosymshadaǵy elektrondyq tehnıkalyq pasport ózimen birge tehpasporttyń túpnusqasy joq adamdar úshin paıdaly bolady. Paıdalanýshy árqashan qujatty talap etý orny boıynsha kórsete alady. Sonymen qatar, servıs qujat ıesine QR-kod kómegimen kirý múmkindigin ashý fýnktsııasyn usynady, bul qujatqa suraý salýshy tarapqa qujattyń túpnusqalyǵyna kóz jetkizýge kómektesedi.
Búgingi kúni qosymshada qujattyń 6 túri bar:
Jeke kýálik;
Neke týraly kýálik;
Týý týraly kýálik;
Atyn, ákesiniń atyn, tegin aýystyrý týraly kýálik;
Nekeni buzý týraly kýálik;
Elektrondyq tehnıkalyq pasport.