eGov.kz júrgizýshi kýáligin alýdyń qandaı jańa talaptaryn engizdi

<p>ASTANA. KAZINFORM &ndash; eGov.kz portalyn paıdalanýshylar endi júrgizýshi kýáligin jaramdylyq merzimi aıaqtalǵan, joǵalǵan nemese urlanǵan kezde ǵana emes, sondaı-aq tegi, aty jáne ákesiniń aty ózgergen kezde de ala alady. Bul týraly &laquo;UAT&raquo; AQ Qoǵammen baılanys basqarmasy málimdedi.</p>

«Endi júrgizýshi kýálikterin aýystyrǵan kezde paıdalanýshylar buryn alynǵan jeke kýáligi men pasportynan (3 jyldan aspaıtyn qujattar) óz fotosyn ornatý múmkindigi paıda boldy. Basty sharty fotosýreti paıdalanylatyn qujat 3 jyldan artyq bolmaýy kerek», — delingen habarlamada.

Budan basqa azamattarǵa yńǵaıly bolý úshin daıyn qujattardy alýǵa bolatyn HQKO bólimsheleriniń tizimi keńeıtildi. Endi júrgizýshi kýáligin tek mamandandyrylǵan HQKO-da ǵana almaısyz. Onlaın-suraý salý kezinde júrgizýshi kýáligin qaıta shyǵarý 60 mınýtty, arnaıy HQKO bólimshelerinde — 120 mınýtty alady.

Qyzmetti úsh ret basyp alýǵa bolady:

— eGov.kz portalynda avtorızatsııa jasańyz jáne «Kólik jáne kommýnıkatsııa» bólimine ótińiz;

— qyzmetter tiziminen «Júrgizýshi kýáligin alý» tarmaǵyn tańdańyz jáne barlyq qajetti óristerdi toltyryńyz;

— ETsQ kómegimen qyzmetke qol qoıyńyz.

Qyzmet nátıjesimen Jeke kabınette tanysýǵa bolady. Paıdalanýshyǵa habarlama qyzmetti alý tásiline qaraı (onlaın nemese oflaın) 60 nemese 120 mınýttyń ishinde keledi.

Qyzmettiń jańa fýnktsıonaly Іshki ister mınıstrligi, QR Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik qyzmetter komıtetiniń jáne «Ulttyq aqparattyq tehnologııalar» AQ birlesken jumysynyń arqasynda iske qosyldy.