eGov.kz portalynda jańa qyzmet paıda boldy

<p>ASTANA. KAZINFORM — Qamqorlyqqa alǵan azamattardy turǵylyqty jeri boıynsha tirkeý endi onlaın júzege asyrylady. Bul týraly «Ulttyq aqparattyq tehnologııalar» AQ habarlaıdy. </p>

— Endi qamqorshylar kámelet jasyna tolǵan, sot sheshimimen áreketke qabiletsiz dep tanylǵan azamattardy turǵylyqty jeri boıynsha eGov.kz portaly arqyly tirkeı alady. Buǵan deıin atalǵan qyzmetti alý úshin halyqqa qyzmet kórsetý ortalyǵyna tikeleı kelý kerek edi. Endi jańartylǵan qyzmet túrin úıden shyqpaı-aq, birneshe qadam arqyly alýǵa bolady, — delingen habarlamada.

Qyzmetti alý joldary: 

— eGov.kz portalynda avtorızatsııadan ótip, «Azamattyq, mıgratsııa jáne ımmıgratsııa» bólimin tańdaý kerek;
— «Halyqty tirkeý jáne tirkeý esebinen alyp tastaý» bóliminde «Turǵylyqty jeri boıynsha tirkeý» bólimin tańdaý qajet;
— qajetti derekterdi toltyryp, ótinishke ETsQ arqyly qol qoıý qajet. Qyzmettiń nátıjesi paıdalanýshynyń jeke kabınetinde, «Qyzmetterdi alý tarıhy» bóliminde qoljetimdi.
— Ótinimdi óńdeýdiń jaı-kúıi týraly habarlama memlekettik organ belgilegen ýaqyt ishinde túsedi, — dep habarlaıdy ulttyq aqparattyq tehnologııalar qyzmetinen.

Bıyl tamyzda eGov.kz júrgizýshi kýáligin alýdyń jańa talaptaryn engizgen edi.

Eske sala keteıik, qazan aıynda Prezıdent memlekettik qyzmet týraly Jarlyqtarǵa ózgerister engizdi.