eGov júıesinde vırtýaldy kómekshi paıda boldy

<p>ASTANA. KAZINFORM &ndash; eGov júıesinde vırtýaldy kómekshi paıda boldy.&nbsp; Úkimettiń kóshpeli otyrysynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev osyndaı málimet keltirdi.</p>

Mınıstr tsıfrlyq tehnologııalar halyqtyń ómirine dendep engeninen qaramastan memlekettik qyzmetterdi onlaın alýdy ıgere almaı jatqan qazaqstandyqtar kóp ekenin aıtty. Sol úshin jasandy zeıin arqyly memlekettik qyzmet alýshyǵa onlaın kómekshi jobasyn ázirlegen.

- Sondyqtan biz memlekettik qyzmetterdi kórsetýde jasandy zeıindi engizý jumystaryn belsendi túrde bastaý qajet dep sanaımyz. Azamattardyń negizgi tirshilik áreketteri tsıfrlandyrýmen qamtylǵanyna qaramastan, qosymsha kómekshi retinde vırtýaldy assıstentti engizý qajet, - dedi Jaslan Mádıev.

Mınıstrdiń sózinshe jasandy zeıin bilim berý salasy men áleýmettik baǵdarlamalarǵa qarqyndy engizilip jatyr.

- Búgingi tańda tsıfrlyq qujattar tolyǵymen fızıkalyq qujattarmen teńestirilgen. El ishinde saıahattaý kezinde azamattarǵa qujatyn qolǵa ustap júrýdiń qajet joq. Bıyl 200 mıllıonnan astam osyndaı qyzmet kórsetildi. Azamattarǵa «onlaın notarıýs» qyzmeti de kórsetilip otyr. Tipti notarıýs qyzmetterin elden tys jerde otyryp ta alýǵa bolady. 175 myńnan astam osynda qyzmet kórsetildi, - Jaslan Mádıev.

Sondaı-aq ol jasandy zeıin kómegimen 700 myń oqýshy tegin tamaqpen qamtylǵanyn atap ótti.

- Ata-analar oqýshynyń tegin tamaq alǵanyna jasandy zeıin arqyly kóz jetkize alady. Tegin dári-dármekterdi alý qyzmetin de tsıfrlandyrdyq. Barlyq memlekettik dárihanalar osy tehnologııamen qamtylǵan jáne osy vaýcher arqyly tegin dári-dármekterdi ala alady, - dedi vedomstvo basshysy.

Buǵan deıin mınıstr Qazaqstan spýtnıgin ımporttaýǵa qyzyǵýshylyq tanytqan elderdiń qataryn Gvıneıa-Bısaý tolyqtyrýy múmkin ekenin aıtty.