eGov júıesi men HQKO jumysy tolyq qalpyna keltirildi

NUR-SULTAN. QazAqparat – eGov.kz jáne Ashyq úkimet portaldarynyń, eGov mobile mobıldi qosymshasynyń jáne negizgi memlekettik derekqorlardyń (JT MDB, ZT MDB jáne t.b.) jumysy tolyq qalpyna keltirildi. Bul týraly «Ulttyq aqparattyq tehnologııalar» AQ baspasóz qyzmeti málim etti, dep habarlaıdy QazAqparat.

«Sonymen qatar, ekinshi deńgeıli bankterdegi jáne HQKO men arnaıy HQKO-daǵy memlekettik qyzmetter qalpyna keltirildi. Qazirgi ýaqytta barlyǵy shtattyq rejımde jumys istep tur. Aldaǵy birneshe kúnde paıdalanýshylardyń kóp bolýy múmkin. Osyǵan oraı, túsinistikpen qaraýlaryńyzdy suraımyz», - deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.

Sonymen qatar, osy tehnıkalyq aqaýlardyń sebepterine taldaý júrgizilip jatyr.

«Elektrondy úkimettiń aqparattyq júıelerindegi kez kelgen aqaý aqparattyq qaýipsizdik ındıtsenti retinde tirkeletinin atap ótý kerek. Keshendi taldaý qorytyndysy boıynsha aldaǵy ýaqytta osyndaı jaǵdaılardyń aldyn alý sharalary qabyldanady», - degen bolatyn Rostıslav Konıashkın.

Eske salsaq, eGov.kz júıesinde tehnıkalyq aqaý shyǵyp, memlekettik qyzmetterdi alý múmkin bolmady.