«EGov mobile» qosymshasynda «vaktsınatsııa pasportynyń» nusqasy jańartyldy
«Búgingi tańda Qazaqstan Respýblıkasynyń Bas memlekettik sanıtarlyq dárigeriniń qaýlysyna ózgerister engizilýde, onda QR Tsıfrlyq damý, ınnovatsııalar jáne aeroǵarysh ónerkásibi mınıstrligi QR Densaýlyq saqtaý mınıstrligimen birlesip ázirlegen «eGov mobile» mobıldik qosymshasynyń «tsıfrlyq qujattar» servısinde elektrondyq «vaktsınatsııa pasportynyń» jańa nusqasy usynyldy», - delingen Qazaqstanda COVID-19 taralýyna jol bermeý jónindegi vedomstvoaralyq komıssııa málimetinde.
Azamattar vaktsınalaýdyń barlyq kezeńinen ótkennen keıin 3 tilde qoljetimdi elektrondyq qujat beriledi.
«Elektrondyq qujattyń jańa nusqasynda týǵan kúni, tólqujat nómiri, QR-kod sııaqty jańa derekter qosyldy. Qujat ıesi suraý salýshy tarapqa QR-kodty usyna alady. Bul, qujattyń zańdylyǵyn tekserýge kómektesedi. Kodty skanerleý kezinde patsıenttiń vaktsınatsııadan ótkeni týraly derbes derekterdiń taralýyn qorǵaý maqsatynda anyqtamadaǵy derekter jasyrylǵan (derekterdiń bir bóligi ***belgilengen) patsıenttiń vaktsınatsııasy týraly derekteri bar betke kóshý júzege asyrylady», - delingen VAK habarlamasynda.
Sondaı-aq qajet bolǵan jaǵdaıda azamat óziniń elektrondyq qujatymen telefondaǵy messendjerlerde bólise alady.
«EGOV mobile mobıldik qosymshasynyń «tsıfrlyq qujattar» servısinde ornalastyrylǵan vaktsınalaýdyń elektrondyq pasportyn usynýǵa múmkindigi joq adamnyń vaktsınatsııasyn rastaý úshin medıtsına qyzmetkeri medıtsınalyq uıymnyń aqparattyq júıesinen basyp shyǵarǵan qaǵaz jetkizgishtegi anyqtamany usyný múmkindigi bar», - dedi VAK-tan.