eGov mobile-ge ataýly áleýmettik kómek alýshynyń qujatyn júkteýge bolady

NUR-SULTAN. QazAqpaarat - Ataýly áleýmettik kómek alýshy elektrondyq úkimet qosymshasyna jańa qujatty júkteıdi jáne onymen bólise alady, dep habarlaıdy QazAqparat «Ulttyq aqparattyq tehnologııalar» kompanııasyna silteme jasap.

«Ulttyq aqparattyq tehnologııalar» AQ áleýmettik kómek alýshy qazaqstandyqtarǵa yńǵaıly bolý úshin elektrondy úkimet qosymshasyna jańa qujatty qosý ıntegratsııasyn júrgizdi.

«Servıs ózimen birge qujattyń túpnusqasy joq adamdarǵa paıdaly. Ony kórsetý úshin elektrondy úkimet qosymshasynda avtorlaný qajet, ataýly AÁK-nyń qujaty eGov mobile qosymshasynda «tsıfrlyq qujattar» bóliminde ornalasqan. Ataýly áleýmettik kómekti alýshy QR kod arqyly oǵan qol jetkize alady, bul qujatty suratýshy tarapqa onyń túpnusqalyǵyna kóz jetkizýge kómektesedi», delingen habarlamada.

Esterińizge sala keteıik, búgingi tańda eGov mobile qosymshasynda 18 tsıfrlyq qujat qoljetimdi, sonymen birge - jeke kýálik, júrgizýshi kýáligi, dıplom, stýdent bıleti jáne t.b.