EGov mobile-da derekterdi tirkeý jeńildedi

NUR-SULTAN. QazAqparat - Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın áleýmettik jelidegi paraqshasyna endi eGov mobile-da tek bıometrııalyq derekter arqyly tirkelýge bolatynyn jazdy, dep habarlaıdy QazAqparat.

ıAǵnı, budan bylaı burynǵydaı SMS-habarlama kútýdiń qajeti joq jáne paıdalanýshylardyń derekterinde qaýipsizdik saqtalady.

«Qazir eGov mobile – bul óte yńǵaıly qosymsha jáne halyqqa qyzmet kórsetý ortalyqtarynda alatyn qyzmetterdi osy jerden jyldam alýǵa bolady. Atap aıtqanda, 400 memlekettik qyzmet jáne jeke tulǵalarǵa arnalǵan e-license qyzmetteri, jeke kýálik pen júrgizýshi kýáligin qosa alǵanda, 18 sandyq qujat bar», – dedi mınıstr.

Sondaı-aq ol memlekettik qyzmetterdi telefonnan jyldam alýǵa kómektesetin múmkindikterdi iske asyrý baǵytynda tıisti jumystar atqarylyp jatqanyn aıtty.

«Bıometrııalyq derekter arqyly tirkelýge toqtala ketsem. Digital ID júıesi arqyly aldyn ala beıne-sáıkestendirýden ótip, ETsQ kiltterin alý qajet. Ózim arnaıy kirip kórdim, 2-3 mınýt ýaqytymdy aldy. Qazir áriptesterimiz qazaqstandyqtarǵa memlekettik qyzmetterdi telefonnan jyldam alýǵa kómektesetin múmkindikterdi iske asyrý baǵytynda tıisti jumystar atqarýda», – dep jazdy Baǵdat Mýsın.